DMK President damdawi-inah dah

Tamil Nadu-a eptu pawl lian ber, DMK president leh Chief Minister hlui M Karunanidhi chu nimin zing khan Chennai-a Kauvery Hospital-ah dah luh a ni.

Kum 94 mi, Karunanidhi hi hun eng emaw chen wheelchair hmangin a awm tawh a, a hriselna dinhmun a ṭha vak lo a ni. Nikum December thla khan a chuap lam ṭhat loh avangin enkawl a lo ngai tawh bawk a ni. Kum sawmruk chhung inthlana a chuh tawha hnehna la chang ziah, Karunanidhi hi a hriselna ṭhat tawk loh vangin kum khat vel chu mipui hmuhah a inlan mumal tawh lo a ni.