NIA-in J&K-a hmun 12 dap

National Investigation Agency chuan nimin khan Jammu and Ksahmir-ah hmun 12 an dap.

J&K-a inlakhran duhtu pawlte chu Pakistan lam aṭangin sum hmanga puih ṭhin an ni tia sawi kaihhnawiha NIA hian May 30 khan thubuai a lo ziak lut tawh a, inlakhran duhtu pawl hruaitu mi pasarih an lo man tawh bawk. An mi mante hi India laka indo puang leh, dan bawhchhe zawng­a chetna hrang hranga inhnamhnawih niin an sawi a, Unlawful Activities (Prevention) Act hnuaiah thubuai siamsak an ni.

Nimina NIA hi hmun an dapte hi Srinagar, Baramulla leh Handwara a mite an ni a, heng an hmun dapte hian thubuai chhui mek nena inzawmna nei niin an sawi.