Maldives-a India mi tangkhangte la chhuak dawn
India chuan Maldives-a India mi tangkhangte chu kar khat chunga lakchhuah hman a tum.
Male-a Indian high commission chuan Male aṭanga Kochi thleng kal tur lawng an buatsaih tih sawiin, lawng hmang hian India mite hi thiar chhuah an ni dawn a, vawi khatah mi 200 vel a thiar theih dawn a ni.
High commission chuan India mi an thiar chhuahte chu ni 14 chhung Kochi-ah khung hran an ni dawn tih sawiin, chumi hnu lam chu anmahnia an inngaihtuah a ngai dawn thung. An thiar chhuah hun tur tak la tarlang lo mah se kar khat chhunga thiar chhuah hman an tum thu erawh an tarlang.
Maldives-ah hian India mi awm eng emaw zat an awm a, Kerala leh India chhim lam state-a chengte ni berin Maldives-ah hian tourism leh service sector-ah an thawk nasa hle.
April thla vel aṭang khan Maldives-ah hian Covid-19 hi a leng ṭan a, mi 500 vel chuan hrileng hi an kai tawh tih finfiah a ni a, chung zinga 50 chu India mi an ni.