Gujarat-ah swine flu vangin mi 208 an thi tawh

Gujarat state-ah kumin chhungin swine flu, H1N1 avangin mi 208 an thi tawh a, he natna hri vei mi 994 chu enkawl mek an ni tih, state sorkar chuan a sawi.

Health Minister Shankar Chaudhary-a’n thuchhuah a siamah, thuneitute chuan swine flu leng mek khuahkhirh tur hian doctor 5,000 chuang nen theihtawp a chhuah mek a ni, a ti. Gujarat-ah hian January 1 aṭanga August 15 thleng khan swine flu vei hmuhchhuah hi 1,883 a awm a, an zinga 208 chuan an thihpui a, mi 994 chu enkawl mek a ni. Hri vei zinga 681 erawh chu enkawl dam an ni tawh.

H1N2 virus darh zel tur venna atan hian state sorkar chuan health worker 17,000-te chu hmun hrang hrangah tir kualin endik hna a thawh tir a, damlo enkawl hna an thawh bakah hri leng laka invenna dan zirtirna te an pe bawk a ni.