Bihar : Tuilian tuarte chhanchhuah hna thawk turin sipai leh ETP tir

Bihar-a tuilian tuarte chhanchhuah hna thawk tur­in Army Column khat leh Engineer Task Force (ETF) pakhat tirh an ni a, district paruk aṭangin mi 270 chuang chhanchhuah an ni tawh.

Katihar district aṭangin mi 39, Aria aṭangin mi 122, Madhubani aṭangin mi 19 leh Sitamarhi aṭangin mi 90 chhanchhuah a ni. Tuilian tuarte chhanchhuah bakah, Army leh ETF hian ei tur sem hna an thawk nghal bawk a, tuilian tuart tan hian ei tur packet 3090 an sem tawh a, mi 1,000 te chu damdawia enkawlna an pe bawk. Tui­lian tuarte chhanchhuah hna thawhnaa pui tur hian Pune aṭangin National Disaster Response Force (NDR) team pali tirh an ni bawk.

Deputy Chief Minister Sushil Modi chuan NDRF, State Disaster Response Force (SDRF) leh Army-te chuan tuilian tuarte chhan­chhuah hna an thawh thu a sawi. Modi chuan tun ṭuma tuilian hian an rin phak bak a nih thu sawiin, tuilenna hmun tam tak chu tuilianin a tihbuai theih lohna hmun nia an lo rinte a nih thu a sawi. Tuilian tuarte tan hian hmun hrang hrangah relief camp siam a ni a, ei turte pawh sem a nih thu a sawi.