Mobile phone siamtute hnenah infor­ma­tion pe turin sorkar laipuiin hriattir

Sorkar laipui chuan mobile phone hmangtute privacy a him theihna turin smartphone siamtute hnenah data security an kalpui dan le him tawk dante hriattir turin a ti a, hriattirna a pek zingah hian Chinese manufacturer-te pawh an tel.

Ministry of Electronics and Information Technology-in hriattirna a pek zing­ah hian Apple, Samsung, Blackberry bakah, Indian company-te an tel a ni. He hriattirna hi mobile phone a information-te hack a nih hlauhthawnna vanga tihchhuah a ni. Chinese manufacturer tam zawk hian China ramah sever an nei a, mobile phone personal information - contact list, message leh picture thlengin ruksak theih a hlauhthawnawm nia sawi a ni. Ministry chuan company hrang hrangte chu August 28 thleng chhanna pe turin hun a pe a ni. An ngen ang hi tihhlawhtlin a nih loh chuan IT Act 43 (A) hnuaiah hremna pek theih an ni dawn a ni. Official chuan ramchhunga electronic device hralhchhuahte chuan global security standard an zawm vek tur a ni tiin, company lamin hei hi an zawm lo a nih chuan a ṭul anga action lak a ni ang, a ti.