Kerala-ah NRI nuai 4 chuang haw tum

Kerala sorkar chuan Non Resident Indian (NRI) Malayalee nuai 4.13 te chu lockdown zawhah an rawn haw dawn tih a tarlang.

Covid-19 leng vanga hmun danga tang­khangte hi Kerala sorkar chuan register ti turin a hriattir a, Malayalee nuai 4 chuangin registration hi an ti a ni. Heng zinga mi 61,009-te chuan hri leng vang hian an hna an chan bawk.

United Arab Emirates (UAE) aṭanga Kerala-a haw tur hi mi 1,50,000 chuang an awm tih Department of Non Resident Keralite Affairs (NORKA) chuan a tarlang. India ram pawna Malayalee chen tamna ber chu UAE hi a ni a, Kerala aṭanga hnathawk leh cheng hi UAE-ah hian nuai 15 vel an awm a ni. Hri leng vanga hna an chan avangin Kerala mi UAE-a cheng hmun lia ṭhena hmun khat chuan India-a rawn haw hi an duh a ni.

State-a haw duha register ti zawng zawng zinga 40% chu hnathawk an ni a, 10% hi ram pawna zin chhuak tangkangtate an ni bawk.