International border-ah Pakistan-in inkahhai puan bawhchhia

Pakistan Rangers-te chuan nimin zing khan Jammu and Kashmir-a international border-a ram pahnihte'n inkahhai an puan chu bawhchhiain, India lama Border Security Force (BSF) sipai duty-te an kap.

Jammu district-a Arnia sector-ah inkahna hi thlengin, BSF hian Pakistan Rangers-te hi an kap let ve nghal tih BSF deputy inspector general SPS Sandhu chuan a sawi. BSF lamah thi leh hliam an awm lo niin an sawi bawk.

India leh Pakistan hian kum 2021, February thla khan Jammu and Kashmir-a international border-a inkahhai an puan chu puan chhunzawm zel an remti a ni. Mahse hetichung hian he inremna hi bawhchhiat a ni fo thung.