National party-te’n Rs vbch 957 dawng, BJP-in dawng hnem ber

Ram chhunga national party panga-te chuan kum 2012-2013 leh 2015-2016 inkar chhung khan sumdawngte hnen aṭangin donation cheng vaibelchhe 956.77 an dawng a, party hrang hrang zingah BJP chuan sum hi an dawng hnem ber a ni.

Kum 2014-a sorkarna changtu, BJP chuan 2015-2016 chhung khan corporate donor 2,987 aṭangin donation hi cheng vaibelchhe 705.81 an dawng a, Congress party chuan sumdawng 167 hnen aṭangin cheng vaibelchhe 198.16 an dawng niin, Assocation for Democratic Reforms (ADR) chuan a tarlang. Nationalist Congress Party chuan cheng vaibelchhe 50.73 dawngin a, Communist Party of India (Marxist)-in cheng vaibelchhe 1.89 leh CPI-in cheng maktaduai 18 an dawng bawk. Hei hi political party-te’n election commission-a report an thehluh aṭanga chhut a ni.

BJP-in sum a dawnna tam ber hi real estate, mining, manufacturing, oil and power leh construction lama sumdawngte hnen aṭangin a ni.