PM-in BJP sorkarna state CM-te meeting neihpui dawn

Prime Miniter Narendra Modi leh BJP President Amit Shah-te chuan vawiin hian ram chhunga BJP sorkarna state hrang hrang chief minister leh deputy chief minister-te chu meeting an neihpui dawn.

Meeting-ah hian chief minister 13 leh deputy chief minister paruk an tel dawn a, cabinet minister ṭhenkhat pawh an tel rin a ni. BJP sorkarin an state chhunga hmasawnna hna an kalpui dan te an thlirho dawn a ni.

Vawiina meeting hi PM Modi-a’n kum 2014-a BJP-in central-a sorkarna a chelh hnua BJP chief minister-te meeting a neihpui ṭum thumna tur a ni a, Bihar-a BJP-JD(U)-in sorkar thar an siam hnua a vawi khatna tur a ni.

State chhunga central flagship scheme kalpui a nih dan te, hmasawnna hna thawh a nih dante an sawiho ang. Chief minister hrang hrangte hian an kaihhruai sorkarin scheme a kalpui dante an entir bawk ang.