PM-in minister-te 5-star hotel-a thleng lo turin ngen

Prime Minister Narendra Modi chuan a minister-te chu five-star hotel-a thleng lo turin a ngen a, sorkar motor te mimal thila hmang lo turin a tibawk.

Union minister ṭhenkhat chu official duty-a an chhuahin, sorkarin an awmna tura a lo ruatsakah khawsa duh loin, five-star hotel-ah an thleng ṭhin a, hei hian PM a tilawm lo hle a ni. Hei bakah hian minister ṭhenkhatin an hna thawhna atana ministry-in motor a pekte mimal thil atana an hmang ṭhin chu PM hian a duh lo hle bawk. Modi chuan dik lo taka sorkar motor hman chu a ngaizam mai dawn lo tih a sawi. Hemi hma hian PM chuan sorkar officer liante pawh an zin­chhuahin first class-a kal lo tur leh, five-star hotel-a meeting huaihawt lo turin a lo titawh bawk a ni.