UP : Bareilly district-ah sorkar hnathawkte jeans leh t-shirt hak phal lo

Uttar Pradesh-a Bareilly district magistrate chuan sorkar hnathawkte chu office-ah casual wear-a an inthuam a khap.

District magistrate Shivakant Dwivedi chuan thuchhuah siamin, sorkar hnathawk zawng zawngte chuan dress code a siam hi an zawm loh chuan, an chungah action lak a nih tur thu a sawi.

"Sorkar hnathawk zawng zawngte chuan formal attire nen office an kal ziah tur a ni. Casual wear, jeans leh t-shirt-te chu office chhungah hak phal a ni lo a, pawn lamah an duh chuan an ha thei ang. Dress code chungchangah order hi vawi eng emaw zat tihchhuah a lo ni tawh a ni," a ti.

Dress code chungchangah state ṭhenkhat pawhin a hmain thuchhuah an lo siam tawh a ni. Uttarakhand sorkar chuan official-te nena meeting neihnaah, sorkar hnathawkte chu T-shirt leh jeans hak a lo khap tawh bawk. Nikum khan Maharashtra sorkar chuan state secretariat leh sorkar office-ah hnathawkte chu casual wear-a inthuam a khap bawk a ni.