Bharat Biotech siam Covid-19 nasal vaccine pawm

Central Drugs Standard Control Organisation chuan Bharat Biotech siam, Covid-19 nasal vaccine iNCOVACC chu a pawm. Hei hi India rama Covid-19 intra-nasal vaccine pawm hmasak ber a ni.

iNCOVACC hi kum 18 leh a chunglam hman tura tih niin, emergency bik atan chauh hman rih tura tih a ni bawk.

Bharat Bioteh chuan ram puma thawnchhuah theih turin he vaccine hi tam zawk siam chhuah an tum tih a sawi. Awlsam taka hnar thlawr theih mai a nih dawn avangin, mass vaccination programme neihnaah a ṭangkai hle rin a ni.