Bawng thih vangin Minister bang turin phut
Congress party chuan BJP hruaitu in sorkar puihna hmanga bawng enkawlna hmun a siamah bawng 170 chuang an thih avangin Chattisgarh minister Brijmohan Agarwal chu bang turin an phut.
BJP hruaitu, Harish Verma chuan sorkar puihnain bawng enkawlna hmun pathum a siam a, mahse tunhnaiah heng hmuna bawng tam tham tak an thi a ni. Harish Vermna chuan bawng thihna chhanah hian state sorkar chu mawhpuhin, bawng chaw leina tur sum pechhuak ṭha loah a puh.
State Congress psresident Bhupesh Baghel chuan, “Animal husbandry department-ah eirukna lian tak a thleng a, hei vang hian Dug leh Bemetra district-ah te chhiatna hi a thleng a ni. Bawng enkawlna tur hian sorkar chuan sum ṭhahnem tham tak pe mah se, bawng te hian enkawlna ṭha an dawng lo a ni”, a ti. Congress hruaitu leh worker-te chuan bawng thihna thleng chungchanga mawhphurtute chu hremna pek phutin Rajpur area-ah kawng an zawh bawk. August 30 khian Chief Minister Raman Singh-a official residence kawtah lungawi lohna lantir an tum bawk a ni.
Chhattisgarh Rajya Gau Sewa Ayog official-te chuan bawngte hian enkawlna ṭha an dawn loh avangin kar hnih chhungin 170 chuang an tih niin an sawi a, aaayog chuan Verma lak hian complaint an thehlut tawh a, bawng enkawlna hmun pathum atana cheng vaibelchhe 1.65 pek chu a tichingpen nia puh a ni. Chattisgarh sorkar chuan animal husbandry department-a official pakua a suspend bawk.