Lt Col Purohit-a bail-in chhuah

Supreme Court chuan nimin khan kum 2008-a Maelgoan-a bomb puaka mawhphurtua puh, Lt Colonel Prasad Shrikant Purohit-a chu bail-a chhuah a phalsak. He bomb puakah hian mi pasarih-in nunna an chan a ni.

Purohit-a hian kar hmasa khan bail dilna hi a thehlut a, kum kua jail-a a awm tawh avangin bail-a chhuahtir chu a phu tawh niin a sawi a ni. Bomb tihpuahnaah hian inhnamhnawihna a nei lo tih a sawi. Purohit chuan bomb supply anga an puhna chu thu dik pawh lo ni se, a hremna na ber tur chu kum sarih lung-in tan a ni a, hei vang hian chhuahtir a nih a hun tawh niin a sawi.

Hetih lai hian nimina Purohit-a bail dilna ngaihtuahnaah hian National Investigation Agency (NIA) aiawha ding, Appearing for the National Investigation Agency (NIA), Additional Solicitor General Maninder Singh chuan Purahit-a bail-a chhuahtir hi an dodal tih a sawi a, Malegoan-a bomb tihpuahnaah hian a inhnamhnawih ngei a ni tih finfiahna pawh a awm a ni, a ti.

Kum 2008, September 29 khan Nashik district-a Malegoan-ah hian motorcycle-a bomb ṭawn betin tihpuah a ni a, mi pasarihin an thih phah a, mi dang 100 chuangin hliam an tuar. He pawikhawihna thlenga inhnamhnawiha puh dang, Sadhvi Pragya Singh Thakur chu kumin April thla khan Bombay High Court chuan bail-in alo chhuahtir tawh bawk a ni.