Rel chesual vangin official pasarih lakah action la

Uttar Pradesh-ah kar kalta Inrinni zan khan Utkal Express chu Khatauli-ah a chetsual a, mi 20 an thi. Rel chetsualna avanga mi tam tak thihna a thlen hnuah, railways department chuan top official pathum chu chawlh a laktir a, officer pali suspend-in, office pakhat a transfer bawk.

Railway chuan Muzaffarnagar district-a chetsualna thleng avang hian railway board-a member (engineering), northern railway general manager leh divisional regional manager (Delhi)-te chu chawlh tir an ni tih a sawi. Senior divisional engineer, assistant engineer, senior section engineer (permanent way) leh junior engineer-te chu rel kawng enkawl chungchangah mawhphurtuah puhin suspend an ni bawk. Chief Track Engineer, northern railway chu hmun dangah sawn nghal a ni bawk.

New Delhi Railway Station endik

New Delhi police-te chuan nimin khan New Delhi Railway Station pana tlan relah bomb kam a awm nia thu an dawn avangin uluk takin darkar thum chhung rel leh rel station-te an endik a, mahse an thu dawn hi intihderhna a ni tih hriatchhuah a ni.

Police-te hian nimin zing khan number pakhat aṭangin phone call an dawng a, rel-a bomb kam chungchang hi a rawn hrilh a ni. Police team chuan New Delhi rel station-a lut rel zawng zawng chu uluk takin an dap zui a, mahse rinhlelhawm thil engmah an hmu lo. DCP (Railways) Parwaiz Ahed chuan rel leh platform-te uluk taka an dap vek thu a sawi a, mahse engmah hmuh a ni lo a ni, a ti.