Blue Whale Challenge : School naupangte zirtirna pe dawn

Haryana Children Protection Commission (HCPC) chuan tunlaia online game hlauh­awm tak, Blue Whale Challenge leh a anpui game dang chungchangah state chhunga zirlai naupangte zirtirna pe turin a ti.

HCPC chuan Haryana-a sorkar leh private school zawng zawngah Blue Whale Challenge leh a anpui game dangte hlauhawm dante chu zirlaite hrilh hria a, zirtirna pe turin a hriattir. Hei bakah hian zirlai zingah awmdan phung pang­ngai ang lo deuha awmte chu ngaihven thuai turin a ti bawk. Blue Whale Challenge-ah hian game kheltute chu ni 50 chhung tihtur hrang hrang tuk an ni a, a tawpnaah mahni intihlum tura tih an ni. He game vang hian khawvel ram hrang hrangah naupang eng emaw zat an intihhlum phah tawh nia sawi a ni.