Bihar dinhmun la ziaaawm lo

Bihar state-a tuilian chuan ziaawm lam a la pan thei lo a, tuilian vanga thi hi mi 341 an tling tawh a ni.

Bihar Disaster Management Department official chuan tuilian hi district 19-a mi nuai 149.19-te’n an tuar mek tih a sawi. Tuilian tuar mi 7,61,774 chu Army, National Disaster Response Force leh State Disaster Response Force-te’n an chhanchhuak tawh a, state sorkar chuan relief camp 1,085 siamin heng hmunah hian mi 2,29,097 an khawsa mek a ni.

Official-te chuan tuilian vanga chenna neilote ei siamsakna hmun 1,608 siam a nih thu a sawi. Lui tam tak chu an la lian a, kawngpui leh lei te lenchhiain, chenna in leh thlai chinna ram zau tak a chim bawk a ni.

Uttar Pradesh-ah pawh tuilian hian ziaaawm lam a la pan lo a, tuilian avang thi hi 72 an tling tawh. Tuilian tuar mi tam tak chu hmun him lamah sawnchhuah an ni. Sorkarin tulian tuarte amwna tura relief camp a siamah chuan mi 43,602 vel an la khawsa mek a ni. UP-a tuilian tuarte chhanchhuah hna hi NDRF team 21, PaC (flood) team 30-te’n an thawk a, Indian Air Force (IAF) helicopter pahnih hman a ni bawk.