Swine flu vangin mi 8 thih belh
Gujarat state-ah swine flu vangin mi pariat an thih belh a, he hri leng vanga thi hi kuminah mi 288 an tling tawh.
State sorkarin Thawhlehni zana thuchhuah a siamah, swine flu, H1N1 virus vei hi hospital hrang hrangah mi 1,877 enkawl mek an awm thu a sawi. An zinga mi 22 te chu an dinhmun a ṭha hle.
Sorkar laipui chuan Gujarat-a swine flu leng mek vang hian state dinhmun enfiah turin member pathum awmna expert team a tir tawh bawk. Central team hian Gujarat Health Minister Shankar Chaudhary leh health department official-te an kawm a, civil hospital an tlawh bawk.
Maharashtra-ah pawh swine flu vei hi mi 4,011 awmin mi 409 an thihpui tawh bawk. Public health professional-te chuan state pahniha hian he hri leng vanga thi hi an la pun chhoh an ring a ni.