Safdarjung Hospital doctor-te an nuar

New Delhi-a Safdarjung Hospital-a resident doctor-te chuan Out Patient Deparmtent-ah damlo pakhatin doctor kut a thlak avanga lungawi lohna lantirin nawrh an huaihawt.

Resident doctor-te chuan Nilaini aṭang khan tiamchin awm loin nawrh hi an huaihawt a ni. Nawrh huaihawt hian hospital-a emergency service thlengin a nghawng a ni.

Doctor-te chuan Nilaini chawhnu dar 2.30 vel khan damlo pakhat chuan OPD-a doctor pakhat chu a en tlai lutuk nia sawiin kut a thlak niin an sawi a, hetiang thil hi a thleng fo niin an sawi bawk. Doctor-te kut thlak an ni ṭhin chu an duh lo thu leh, an himna ngaihtuah tura phutin nawrh an huaihawt a, an thil phuta hlawhtlin hma chuan an nuar dawn tih an sawi. Doctor kut thlak a nih avang hian FIR pawh thehluh a ni tawh bawk.