Mumbai-a rel chesualah mi 5 an hliam

Mumbai-a Mahim station bulah nimin khan rel a chesual a, pindan paruk letin mi panga-in hliam an tuar.

Nimina rel chesual hi kar khat chhunga rel chetsual a thlen ṭum thumna a ni. August 23 khan Delhi pan tur, Kaifiyat Express chu Uttar Pradesh-ah a chesual a, mi 80 chuangin hliam an tuar a ni. August 19 khan Uttar Pradesh-ah bawk Utkal Express chu chesualin pindan 14 a let a, mi 24 thiin mi 156 chuangin hliam an tuar bawk.

Mumbai-a rel chesual hi khawchhunga tlan a ni a, Chhatrapati Shivaji Maharaj Terminus (CSMT) aṭanga Andheri station a pan laiin a khawl lamah harsatna awmina let ta a ni. Rel chesual vang hian Wadala-Andheri section-a rel service pawh a khaihlak phah a ni.