UP journalist kap hlum

Uttar Pradesh-a journalist, Vikram Joshi chu Thawhṭanni zan khan Ghaziabad-a mi tu ti hriatloh ten beiin an kap hliam a, nimin khan a hliam tuar loin a thi. 

Vikram Joshi hi a farnu in aṭanga a fanute pahnih phurin bike-a in lam a pan lai chu mi tu tih hriat loh ten lo beiin an kap a, a luah hliam tuarin Yashoda Hospital panpui nghal a ni. Vijay Nagar area-a misualten an beih lai CCTV footage-ah pawh a lang a ni. Pawikhawihtute hian Joshi bike hi din hualin kut an thlak a, a bike hi tluin a fanu pahnihte chu an tlanchhe zui a ni. Hemi hnu hian Joshi hi car-ah hnukin kut an thlak zui leh bawk. Beih a tawh hma niin Joshi hian Vijay Nagar police station-ah complaint a thehlut a, a tunu chu mi ṭhenkhatin an lo tibuai ṭhin niin a sawi. 

Senior Superintendent of Police Kalanidhi Naithani chuan he pawikhawihna thleng kaih­hnawihah hian mi pakua man an ni tawh tih a sawi a, an kut aṭangin silai pawh hmuh a nih thu a sawi. Chief minister Yogi Adityanath chuan journalist chhungte  hnenah zangnadawmna cheng nuai 10 pek a nih bakah, a nupui chu sorkar hna pek a ni dawn tih a puang.