Ram mipui 67%-in inthiarna nei tawh

Ramchhunga mipui 67% chuan in­thiarna hmun an nei tawh a, thingtlang khaw 2,30,000 chu pawn lama inthiar awm tawh ngai lohna khuaah puan a ni bawk.

Prime Minister Narendra Modi-a’n nimina thla tina radio programme a hman ṭhin, Mann Ki Baat-ah he thu hi a sawi­chhuak a ni. PM chuan ram mipuite chu faina lam ngai pawimawh turin a ngen a, faina beihpui thlakna Swachh Bharat prog­ramme chuan kumin October 2 hian a kum thumna a tling dawn tih a sawi. Ramchhung­a in­thiarna nei zat 39% chu faina beihpui thlak a nih hnuah 67%-ah a pung chho a, thingtlang khaw tam tak pawh pawn lama inthiar awm lohna khua an ni tawh a ni, a ti.

PM chuan faina beihpui thlak hna thawhna kawngah NGO, school, college, social, cultural leh political leader-te chu theihtawp chhuah turin a ngen a, social media pawh faina campaign kalpuina atan hian a hman ṭheih a ni tiin, ṭawng hrang hrangin essay, short film leh painting competition te a buatsaih theih a ni, a ti.

Modi chuan Dera pawl hotu thiam loh chantira nih avanga amah zuituten hmun hrang hranga buaina a siam chu a dem thu a sawi a, sakhaw hminga pawikhawihna thlen chu an ngaizam mai dawn lo a, mahni thua dan kenkawh tumte chu hrem an ni ang, a ti.