Jamshedpur damdawi-inah ni 30 chhungin nausen 52 thi

Jharkhand sorkar hnuaia Mahatma Gandhi Memorial Medical College, Jamshedpur-ah ni 30 kalta chhung khan nausen 52 an thi. Media report chuan heng nausente hi taksa tana chakna pai chi tlachham, malnutrition vang niin an sawi.

Kum 2015 khan Chief Minister Raghubar Das chuan kum 10 chhung atana malnutrition beih letna tur, Nutrition Mission Jharkhand (NMI) chu a lo hawng tawh a ni. State sorkar chuan naupangten chaw ṭha an mamawh ang an hmuh theih nan state chhunga Anganwadi centre-ah midday meal-ah artui pawh pe tel ziah turin a ruahman a ni.