Defence ministry-in BEML contract ziah pui
Union Ministry of Defence hnuaia Acquisition Wing chuan Tank T-90 S/SK-a hman tur, cheng vaibelchhe 557 man hu 1,512 mine plough (MP) lei turin Bharat Earth Movers Limited (BEML) chu contract a ziah pui. Mine plough hi BEML-in a siam dawn a, Indian Army-in indonaa tank an hman ṭhin zinga an hman rim ber tank T-90 tan he MP hi hman a ni ang.
Contract hi Buy and Make (Indian) category hnuaiah ziah a ni a, Make in India tihhlawhtlina tur atana contract hi ziah a ni bawk. MP hi kum 2027-a siam zawh hman tura ruahman a ni. BEML hian transport leh mining hman tur bungrua leh hmanrua a siam ṭhin a, hei bakah hian bungraw lian tham tak takte pawh a siam ṭhin bawk a ni. Karnataka khawpui Bengaluru-ah heaquater an nei a, Kolar Gold Fields, Bengaluru, Mysore leh Palakkad-ahte hmun an nei a ni.