Kuminah Amarnath Yatra nei dawn lo

Shri Amarnathji Shrine Board chuan Thawhlehni khan Covid-19 hri leng vangin kuminah Amarnath Yatra hman theih a nih dawn loh thu an tarlang a, mipuite hriatthiamna an ngen nghal bawk. 

Kumin April 22 khan Shri Amarnath Ji Shrine Board chuan Covid-19 vangin Yatra hi hman theih a nih dawn loh thu an lo tarlang tawh a, mahse an thuchhuah hi titawp lehin, a hnuah J&K Lieutenant Governor G. C. Murmu chuan hri

leng a ziaawm chuan neih theih a nih thu a sawi. 

Hemi hnu July 4 khan J&K sorkar chuan mi 500 chauh kal an phal thu an tarlang leh a, he hmun tlawh tura kal Covid-19 hri kai July 1 aṭanga an awm nual tak avangin Thawhlehni khan Shri Amarnathji Shrine Board chuan kumina Amarnath Yatra neih tur chu tihtawp a nih thu thuchhuah a siam zui ta a ni. He hmun hi J&K khawpui, Srinagar aṭanga km. 141 vela hlaah a awm a, Hindu sakhaw hmun thianghlim a ni a, kumtinin mi nuai 10 vel an kal ṭhin a, tlawh theih hun chhung hi siam ṭhin a ni.