Ayodhya Ram Temple sakna atan Rs vbc 1,800 seng dawn

Uttar Pradesh-a Ayodhya-a Ram temple sakna senso tur chu cheng vaibelchhe 1,800 a nih thu Ram Janmabhoomi Teerth Kshetra Trust chuan a sawi.

Shri Ram Janmabhoomi Teerth Kshetra Trust hi Supreme Court thupek anga Hindu temple sak dan tur buaipui tura din a ni.

Pathainni khan Faizabad Circuit House-ah meeting neiin, trust member-te chuan temple complex-a Hindu puithiam larte lim dahna tur hmun siam chu lungrual takin an remti bawk. Trust general secretary Champat Rai chuan rawtna hrang hrang lutte an ngaihtuah hnuah, trust dan leh dunte chu meeting-ah hian tihfel a nih thu a sawi.

Ram temple hi nakkum December thlaah sak zawh hman beisei a ni a, kum 2024 January thlaa Makar Sankranti festival-ah Lord Ram lim chu sanctum santorum-ah dah hman beisei a ni bawk.