Railway Board Chairman-in VIP culture titawp dawn

Railway Board Chairman thar Ashwani Lohani chuan railway ministry tan kalphung ṭha zawk siam tumin, ministry official-te chu VIP culture titawp turin a hrilh. Railway officer-te chu thilpek dawn khap an ni a, hautak taka inhmuah leh indawnsawn tir ṭhin titawp turin a tibawk.

Railway officer naupang zawkte chu an office leh dawhkante vawng fel turin Lohani chuan a hrilh a, Pathianni khan Delhi division-a officer naupang zawkte meeting a neihpui bawk a ni.

Chairman chuan tihdan phung a lo neih ṭhin, official te pangpar leh thilpek dang pek ṭhin chu tihtawp turin a ti. Eirukna an do tlat dawn tih sawiin, pangpar leh thilpek inpek ṭhinte chu ti titawp a, an hnathawh dan aṭanga teh zawk turin a ti.

Divisional Railway Manager (DRM)-te chu VIP culture tihtawp a, staff member-te ang khat veka en tur te, rawtna an siamte pawh ngaihsak turin a ti. Rail Bhavan-a senoir officer-te name plate-te pawh dahbo turin a ti bawk. Senior officer-te chu office-ah an file vel buaipuia hun hman reng loin, an hun tam zawk field duty na atana hmang turin a ti. Office kaihhnawih hnate chinfel turin Inrinni-a office kal ṭhin turin a ti bawk a ni.