J&K-a Pakistan sipaite silai hmehpuahah mi panga hliam

Pakistan sipaite chuan Jammu and Kashmir-a Poon ditrict-a Line of Control-ah inkahhai thuthlung palzut lehin silai an hmetpuak a, civil mi panga-in hliam an tuar a, an zingah hia naupang pahnih an tel.

Pathianni zan dar 6 vel aṭang khan Pakis­tan sipaite hian Shahpur sector-a Indian post leh thingtlang khaw lam hawiin silai hi minute 45 vel an pawng kha nia sawi a ni.

Poonch District Development Commissioner Tariq Ahmad Zargar chuan mi panga-in hliam an tuar a, an zinga pahnih­te chu district hospital-ah enkawl mek an nih thu a sawi. Zargar hi damdawi-inah kalin damlote hi a kan nghal a ni.

Official-te chuan LoC vengtu sipaite chuan Pakistan sipaite silai hmehpuah hi an chhang let ve nghal niin an sawi. Hei hi August 24-a ram pahnih army commander-te’n LoC-a flag meeting an neih hnua inkahhai thu­thlung palzut a nih lehna hmasa ber a ni.

LoC-ah hian ram pa­hnihte hian inkahhai puang mah se, August 1 aṭanga nimin thleng khan Pakistan sipaite hian he inremna hi ṭum 285 an palzut tawh a ni. Kum 2016 kum tluan khan inremna thuthlung hi ṭum 228 an palzut a ni.