Political party office kan kharsak ngawt thei lo : Supreme Court

Supreme Court chuan democracy ramah, political party-te chu hna thawk thei lo turin an office a kharsak ngawt thei lo tih a sawi.

Tamil Nadu-a AIADMK hruiatu aṭanga paihthlak, O Panneerselvam (OPS)-a'n Madras High Court-in party headquarters office chahbi chu an party hruaitu K Palaniswami hnena hlan tura thu a pek chungchanga petition a thehluh chu Supreme Court hian a ngaihtuah a ni. Court chuan, "Political party office kharsak tura tih chu thuneihna dik lo taka hmanna a ni thei a, hei hi democracy kalphung nen an inrem lo a ni," a ti a, hemi rual hian High Court thupek siam chungchangah hian inrawlh an tum lo tih justice DY Chandrachu leh Hima Kohli awmna bench chuan a sawi.

OPS hnenah, "Party aṭangin hnawhchhuah i ni tawh a, party office-a i luh kan phalsak che chuan buaina a chhuak ang. High Court thupek avang hian boruak muanawm tak a awm phah a, thla hnih chhung thil duhawm lo thleng a awm loh hi," tiin bench chuan a hrilh nghal bawk.

July thlaa AIADMK General Council meeting neihah, Palaniswami leh Panneerselvam lamtangte hi intibuaiin, Panneerselvam hi an party aṭang hian hnawhchhuah a ni.