Hindu pawl vauna vangin Mahatma Gandhi puala hun hman tur ṭhulh

Pune-a Modern College chuan Mahatma Gandhi piancham vawi 150-na puala programme buatsaih an tum chu Hindu pawl, Patitpavan hnen aṭanga vauna lehkha an dawn avangin an ṭhulh. 

Mahatma Gandhi tupa, Tushar Gandhi chuan social media-ah hemi chungchang hi sawiin, "Model College chuan Mahatma Gandhi piancham vawi 150-na puala program an siamah min sawm ve vangin Patitpavan Ssanstha chuan an vau a, hei vang hian an program pawh an ṭhulh a ngaih phah a ni," a ti. 

College-a Progressive Education Society chairman, Gajanan Ekbote chuan vauna lehkha an dawn chungchang hi Tushar Gandhi pawh an hriattir tih a sawi. Hemi rual hian Hindu pawlin an vau avanga an program an ṭhulh chungchanga sawiselna an tawhte chu chhangin, Tushar Gandhi hi nidanga lecture pe tura sawm an la tum tho thu a sawi. Tushar Gandhi hi thu sawi tir a nih chaun Patitpavan member-te chuan college-a nawrh huaihawt an tum a, course ṭhenkhatin exam an neih lai a nih avangin college chhunga boruak ṭha lo a thlen an duh lo niin a sawi. 

State home minister Anil Deshmukh chuan hemi chungchang hi chhui chian a, a ṭul anga action lak a ni dawn tih a sawi a ni.