UP-a Dalit hmeichhe unau pahnih pawngsual leh tihlumtute man

Uttar Pradesh police-te chuan Lakhimpur Kheri-a Dalit hmeichhe unau pahnih, kum 15 leh 17 mite pawngsual leh thattua puh mi paruk an man tawh a, he pawikhawihna thlenga inhnamhnawihte chu man kim an ni tawh tih an sawi.

Nilaini tlai khan unau hmeichhe pahnihte ruang hi Tamolinpurwa khuaa thingkunga inkhai hmuh an ni a, doctor pathumin an ruangte an endik hnuah tihhlum an nih hmain pawngsual an ni tih an sawi.

Superintendent of police Sanjeev Suman chuan mi paruk zinga pakhat chu hmeichhia-te venga mi a ni tih sawiin, mi dang pathumte pawh chu hmeichhia-te hmelhriatte an ni, a ti. Mi pathumte hian hmeichhe pahnihte hi an motorbike-ah phurin, a hnuah an pawngsual zui a, an dupatta chuan an rekhlum zui bawk. An thah hnuah an ṭhian pahnihte koin, an ruang hi thingkungah an khai a ni.

Mi parukte hi tualthah leh pawngsual thubuai siamsak niin, hmeichhe pahnihte hi kum tling lo an nih avangin Protection of Children Against Sexual Offences (POCSO) Act hnuaiah thubuai dang siam tel sak an ni bawk.