Parliament building thar Ambedkar hming chawitir turin ngen

Scheduled Caste/Scheduled Tribe Confederation chuan sorkar laipui hnenah Parliament building thar sak mek chu Indian Constitution duangtua sawi, B.R.Ambedkar hming chawi tir turin an ngen.

SC/ST All India Confederation-in thuchhuah a siamah, organisation national chairman, Lok Sabha MP hlui Udit Raj chuan prime minister Narendra Modi chu kum 2020, December thla khan an thil phut chungchang hi an lo hrilh tawh thu a tarlang. Confederation hian an thil phut tihlawhtling turin punkhawmna pawh an lo buatsaih tawh bawk a ni.

Tun hnaiah Telangana-a Telangana Rashtra Samiti (TRS) sorkar chuan State Secretariat building sak mek chu Ambedkar hming chawi tir a ni tur thu a lo puang tawh bawk. Hemi hnu hian sorkar laipui chu Parliament building thar pawh Ambedkar hming puttir tura phut resolution hi lungrual takin an pass bawk.