PM Modi-a'n a Kuno National Park-ah cheetah 8 a chhuah

Prime minister Narendra Modi chuan piancham champha vawi 72-na, Inrinni liam ta khan Namibia aṭanga lakluh, cheetah pariat chu Madhya Pradesh-a Kuno National Park-ah a chhuah. India ramah kum 70 zet cheetah hi an awm tawh lo a ni.

Project Cheetah hnuaiah Namibia aṭangin cheetah hi lakluh niin, khawmual pakhat aṭang khawmualpui danga ramsa lakluhna hmasa ber a ni.

Kuno National park-ah cheetah-te awmna tur hian ram hectare 500-a zau siam niin, he hmunah hian uluk taka enkawl an ni dawn. A vawi khatna atana ram dang aṭanga cheetah lakluhna tura hmalaknaah hian National Tiger Conservation Authority (NTCA) leh IndianOil an thawk dun a, IndianOil hian he project kalpuina atan hian kum nga chhungin cheng vaibelchhe 50.22 a pe dawn a, hei hi cheetah-te chenna hmun enkawlna tur leh, staff training leh veterinary healthcare atante a ni ang.

Park-a cheetah-te a chhuah hnuah, Prime Minister chuan India mipui zawng zawngte a lawmpui thu sawiin, "Kum tam tak hnuah cheetah-te kan ramah an awm leh ta," a ti.