ED-in thu zawhfiah turin AAP hruaitu dang ko leh

Enforcement Directorate (ED) chuan Delhi sorkarin a hnuhdawh leh tak, Excise Policy kalpui dana thil fel tawk lo awm nia sawi chungchangah Aam Aadmi Party (AAP) hruiatu dang, Durgesh Pathak chu thu zawhfiah turin a ko ve leh.

Durgesh Pathak hi Delhi-a civil poll neih tura party in-charge a ni. ED hian Pathak-a mobile phone leh electronic device dangte pawh an lo lak sak tawh bawk.

Central Bureau of Investigation (CBI) chuan Delhi Excise Policy case kalpui dana thil dik lo awmah mi 15 inhnamhnawih nia sawiin, an zingah hian Delhi deputy chief minister Manish Sisodia pawh a tel. ED hian Delhi-a Sisodia chenna hi an dap bakah, a bank locker-te pawh an lo endik sak tawh bawk a ni. Sisodia chuan civic poll nei tura an inbuatsaih chho lai leh, party in-charge atana Pathak dah a nih veleha ED-in thu zawhfiah tura an ko leh nghal chu a chhan a zawt a, ED chuan excise policy nge, MCD inthlan lo awm tur chu a buaipui tiin a zawt let.

ED hian he thil kaihnawihah hian state hrang hrangah hmun 40 vel a lo dap tawh bawk.