Modi-a’n ministry siksawi dawn Minister panga an bang

Prime Minister Narendra Modi chuan Pa­thianni hian a ministry a siksawi dawn a, hemi atana kawng hawnnan Ningani khan minister panga chu an bang.

Minister ṭanglai zingah Skill development minister Rajiv Pratap Rudy, minister of state for health Faggan Singh Kulaster leh minister of state for agriculture and food processing Sanjiv Balyan-te chu banna theh­lut tura ngen an ni a, Uma Bharati chuan a hriselna dinhmun ṭhat loh chhuanlamin banna a thehlut bawk. Minister of state for human resource development Mahendra Nath Pandey pawh Uttar Pradesh BJP hotu atan ruat a nih avangin he hna hi a chelh zawk dawn bawk a ni.

Ministry siksawi a nih hunah hian Bihar-a BJP nena thawkdun thar, JD(U) member pahnih, Ram Cahndra Prasad Singh leh Santosh Kushwaha te chu minister atan lakluh thar an nih rin a ni. Tunhnaia rel chetsualna thleng fo avanga sawisel hlawh tak Railway minister Suresh Prabhu chu environment minister-ah dah a ni dawn nia sawi a awm bawk. PM Narendra Modi chuan ministry siksawi tur chungchangah Ningani khan BJP presdent Amti Shah chu meeting a neihpui a ni.