Election Commissioner atan Sunil Arora ruat

Sunil Arora chu Election Commissioner atan ruat a nih thu Law ministry chuan a tarlang.

Chief Election Commissioner Nazim Zaidi chu July thla khan a chawl a, CEC atan hian Election Commissioner Achal Kumar Joti chu dah chhoh niin, Election Commissioner-ah Om Prakash Rawat chauh a awm a, commissioner hmun ruak pakhat luah tur hian Sunil Arora hi a ruat a ni. Arora hi kum 61 mi niin,Information and Broadcasting Secretary leh Skill Development and Entrepreneurship ministry-ah secretary pawh a lo ni tawh a ni. 1980 batch IAS officer, Rajasthan cadre a ni a, Finance, Textiles leh Planning Commission-ahte a lo thawk tawh a ni.