Tripartite meet neih hma bandh huaihawt dawn : Bimal Gurung

West Bengal aṭanga Gorkhaland state hran phuta nawrh huaihawt mek, Gorkha Janmukti Morcha (GJM) president Bimal Gurung chuan sorkar laipuiin state sorkar leh GJM aiawhte nen, tripartite meet a buatsaih hma chu bandh huaihawt chhunzawm zel a nih tur thu a sawi.

Bimal Gurung chuan Chief Minister Mamata Banerjee-i kaihhruai, West Bengal sorkar nena inbiakna nei turin an party chu a inpeih a, September 12-a Siliguri-a meeting neih turah pawh an tel dawn tih a sawi.

Gurung chuan Darjeeling hills area-a bandh huaihawt chu an chhunzawm zel dawn tih a sawi. Gurung hi a bibo mek a, Sikkim-ah a biru nia hriat a ni.

West Bengal Tourism Minister Goutam Deb chuan kar kalta Zirtawpni khan Gurung-a man tumin Sikkim hi an pan a, mahse Sikkim Chief Minister Pawan Kumar Chamling chuan Gurung hi a lo hum niin a sawi.