ECI-in RP Act siamṭhat a rawt

Election Commission of India (ECI) chuan political party-ten donation an dawn, Rs 20,000 chin tarlang zel tura tih chu Rs 2,000 china bithliah a rawt. Hei hi black money an dawn tur venna tur a nih thu a sawi.

Chief Election Commissioner (CEC) Rajiv Kumar chuan union law minister Kiren Rijiju hnenah lehkha thawnin, Representation of the People (RP) Act siamṭhat hi a rawt a ni. Political party-ten donation an dawn te leh, candidate-te sum hman dante chu langtlang zawka kalpui a nih theihna atana he rawtna hi siam niin an sawi.

Dan hman mekah, political party-te hian EC-a contribution report an thehluhah, donation Rs 20,000 chin an dawnte chu tarlang tel vek tura tih an ni. EC rawtna Law Ministry in a pawm chuan, report-ah hian an sum dawn, Rs 2,000 chin chu an ziahlan tel vek a ngai tawh ang.

Commission hian political party ṭhenkhat report-ah donation-ah nil tih anih lain, an account audit statement-ah Rs 20,000 hnuai lam an dawnna tam tak a lo awm tih a hmuchhuah avangin, RP Act siamṭhat hi a rawt ta a ni.

EC hian party-ten a pawisa faia an dawn theih chin chu total fund aṭanga 20% emaw, a tam berah Rs vbc 20 emawa bithliah turin a ti bawk.