Naveen Jindal-a bail-a chhuah phalsak

Madhya Pradesh-a Urtan North coal block phalna pek chungchanga dik lo taka thiltia puh, MP hlui Naveen Jindal leh midangte chu nimin khan special court-in bail-a chhuah a phalsak.

Central Bureau of Investigation (CBI) chuan May 23 khan coal block pek chungchang thil dik tawk loa tia puhin Jindal leh midang panga lakah thubuai a ziaklut a ni. Jindal-a company, Jindal Steel and Power Ltd (JSPL) pawh thubuai siamsak a ni bawk. Thubuai thehluhah hian Jindal hian Coal Ministry screening committee hmamah order leh ram a neih dan chungchangah thu dik lo a hrilh nia sawi a ni. Jindal hian Jharkhand-a Amarkonda Murgadangal coal block pek chungchangah thubuai dang a nei bawk.