PM Modi leh Suu Kyi-i te inkawm

Myanmar rama cham mek, Prime Minister Narendra Modi leh Myanmar State Counsellor Aung San Suu Kyi-te chuan nimin khan Nay Pyi Daw-ah meeting an nei.

Ram pahnih hruaitute hian India leh Myanmar-te’n inlaichinna ṭha leh nghet zawk an neih theih dan turte an sawidun a ni.

Meeting zawha joint press conference an neih­ah, PM Modi chuan India-in Act East Policy a kalpui meknaah Myanmar chuan chanvo pawimawh tak a chang a ni, a ti. Myanmar nena inlaichinna thuk leh ṭha tak neih chu India chuan a ngai pawimawh hle tih a sawi bawk. Myanmar ramin hmasawnna hna a kalpui meknaah India chuan a theih anga lo puih a inhuam thu pawh a sawi lang bawk.

PM chuan Myanmar mi, India ram tlawhte chu Gratis visa pek an nih tur thu a sawi. Myanmar

aṭanga a ram ṭhenawma Rohingya Muslim tam tak tlanchhiat chung­chang pawh a sawichhuak a, party hrang hrangten an pawmtlan theih tura Rohingya te buaina chinfel dan ngaihtuah chu India chuan a duh a ni, a ti. India leh Myamar inrina, khawmual leh tuipui-ahte venhimna ṭha taka kalpui a pawimawh thu pawh PM chuan a sawilang bawk.