TN CM-in Myanmar-a India mi hrente chhanchhuak turin PM ngen

Tamil Nadu chief minister MK Stalin chuan nimin khan prime minister Narendra Modi hnenah ngenna thawnin, tualchhung buaina thlen mekna Myanmar ramah India mi 300 dawn hrenbeh an nih thu leh, heng mite chhanchhuah dan ngaihtuah thuai turin a ngen.

MK Stalin chuan a kaihhruai sorkar chuan Myanmar rama India mi 300 dawn hreng betin, an zinga 50 chu Tamil Nadu mi an nih thu leh, heng mite hi dinhmun hrehawm taka an awm mek tih thu a dawng niin a sawi.

"Heng mite hi IT kaihhnawihah private recruitment agency kaltlangin Thailand-a hna thawk tura kal an ni. Mahse Thailand aṭang hian dan loa online hmanga hna thawk turin Myanmar-ah hian hruai luh an ni. Report kan dawn danin, an hna thawh tir tumte an duh loh avangin a chhawrtute pawhin kutte an thlak a ni. Tamil mi 17-te chuan state sorkar chuan bepawp tawh a, sorkar puihna leh chhanchhuah thuai an mamawh a ni," tiin Stalin chuan a ziak.

Prime Minister Modi chu external affairs ministry hnenah Myanmar rama sipai thuneitute chu bia a, dan loa India mi hren mekte hruaichhuah an nih theihna tura hma la thuai turin a ngen.