Defence minister tharin charge a la

Defence Minister thar, Nirmala Sitharaman-i chuan nimin khan charge a la a, India ramin full-time defence minister atana hmeichhia a neih hmasak ber a ni.

Nirmala Sitharaman hian defence ministry lo enkawl lailawktu, Arun Jaitley-a hnen aṭangin charge a la a ni. Jaitley hi March thlaa defence minister atanga Manohar Parrikar a ban khan additional charge pek a ni.

Pathianni-a Prime Minister Narendra Modi-a’n a ministry a siksawi khan Sitharaman-i hi cabinet rank-ah hlankai a ni. Hmeichhe zingah full-time defence minister ni thei hmasa ber niin, Prime Minister hlui Indira Gandhi-i chuan defence charge hi a lo la tawh bawk. Defence minister atana ruat a nih tak avangin Sitharaman-i hi cabinet committee pawimawh tak, Cabinet Committee on Security member a ni nghal a, he committee-ah hian member panga - Prime Minister, Home Minister, External Affairs Minister, Finance Minister leh Defence Minister-te an awm a ni.