Nashik hospital-ah oxygen tlakchham vangin nausen 55 thi
Maharashtra-a Nashik Civil Hospital-ah August thla chhung khan oxygen pek tur tlakchham avangin nausen 55 an thi. Kumin April thla atang khan he hospital-ah hian nausen 187 an thi tawh a ni.
Hospital thuneitute chuan incubator 18 chauh an nei a, mahse an damdawi-ina refer hi an tam em avangin hmanruate hi an mamawh belh hle niin an sawi. Additional Civil Surgeon Dr MG Hole chuan, “Damdawi lam indaih lohna a awm hran lo a, mahse private sector lam aṭangin nausen dinhmun ṭha lo tak tak tawh, beiseina awm tawh lote chu kan damdawi-inah hian refer an ni fo a, hei vang hian thi zat pawh hi a san phah a ni. Private hospital-te chuan an damdawi-in aṭanga thi zat tihtlem an duh avangin dinhmun ṭha lo tak takte chu an rawn refer zel a ni”, a ti. Hospital-a hmanrua an indaih tawk lo chu an harsatna ber a nih thu doctor-te chuan an sawi.
August thla chhung khan Nashik Civil Hospital-ah hian nausen 350 admit an ni.
Uttar Pradesh-a Gorakhpur damdawi-inah ni 5 chhungin naupang 60 leh Farrukhabad damdawi-inah oxygen supply tlakchham avangin thla khat chhungin naupang 49 an thi an thi tih tunhnaiah hriatchhuah a ni bawk.