Delhi Police-te’n school hnenah CCTV camera dah turin ti dawn

Delhi Police Commissioner Amulya Patnaik chuan district police hotute hnenah an bial chhunga school te chuan venhimna lam an nei ṭha em tih enfiah turin a ti.

September 8 khan Shahdara-a private school compound chhungah peon-in zirlai, hmeichhe naupang kum nga mi a pawngsual a, he thil thleng avang hian school hrang hrangah venhimna lam uluk zawka kalpui tura tih a ni. District tina DCP-te chu school thuneitute bia a, an school-a venhimna lam kalpui a nih dan te zawt leh enfiah fo tura tih an ni. School te chu an compound chhungah CCTV camera dah tura ngen an ni dawn bawk a ni.