Kolkata-a Alipore Jail hlui museum atan hawng

India ramin zalenna a sual laia Netaji Subhash Chandra Bose leh Jawaharlal Nehru leh mi dang eng emaw zat tanna, Kolkata-a Alipore Jail chu museum atan siam a ni.

West Bengal chief minister Mamata Banerjee chuan Nilaini khan museum hi a hawng. He hmunah hian Netaji leh Nehru-te bakah Aurobido Ghosh, Deshbandhu' Chittaranjan Das, Kanailal Datta, Dinesh Gupta bakah West Bengal chief minister hmasa ber Dr Bidhan Chandra Roy-te pawh an tang a, prime minister hlui Indira Gandhi khan a pa tan lai hian a lo tlawh tawh bawk.

British-te rorel hun laia siam, Alipore Jail hi kum 2019 khan khar a ni a, he hmuna tangte chu hmun dangah sawn an ni. State sorkar chuan he hmun hi museum-a leh a, mipute tlawh theih tura siam a rel a ni.

Museum-ah hian zalenna sual laia jail-a tangte chunga thil thleng hrang hrang chanchinte sawilan bakah, zalenna sualtute an khaihlumna hmunte pholan tel a ni bawk.