NIA-in PFI nena inzawmna neia puh mi 100 chuang man

National Investigation Agency (NIA) chuan nimin khan state 11-ah Islamic organisation, Popular Front of India (PFI) office-te dapin, PFI hruaitu leh member 100 chuangte chu firfiaka chetna thlawpa puh chungchangah an man.

NIA hi Enforcement Directorate leh state police-ten an ṭawiawm a ni.

An mi mante hi firfiakte ṭanpuina sum pe leh, dik lo taka sum inthawn chungchangah thubuai siamsak an ni. September 20 khan NIA hian Telangana leh Andhra Pradesh-a office an lo dap tawh a, mi pathum manin an zingah hian martial arts master Abdul Khader pawh a tel.

NIA hian firfiakte puia puh chungchangah PFI member eng emaw zat lakah thubuai a lo ziaklut tawh a, ED hian revention of Money Laundering Case hnuaiah an chungchang hi a chhui ve mek bawk.

Nimin vek khan union home minister Amit Shah chuan high-level meeting koin PFI chungchang hi an sawiho. Meeting-ah hian national security advisor Ajit Doval, union home secretary Ajay Bhalla, NIA director general Dinkar Gupta-te pawh an tel.