Odisha-ah Blue Whale khel chhanchhuak

Odisha police-te chuan Industrial Training Institute (ITI) zirlai pakhat, online game hlauhawm tak, Blue Whale Challenge game khel an chhanchhuah thu nimin khan an sawi.

ITI principal chuan police-te hnenah a zirlai pakhat awmdan hi chu ringhlelin a hrilh a, police-te chuan chhanchhuakin rilru lamah harsatna nasa tak a lo nei hman tawh a, damdawi-inah dahluh nghal a ni. Balasore district-a Jaleswar khuaa aṭang kal, he zirlai hi ni eng emaw zat chhung chu a nungchang a danglam nasa hle a, a ṭhiante bulah Blue Whale Game chungchang hi a sawipui a, anni hian principal hi an hriattir a, thil pawi a tih hmain an chhanchhuak hman a ni.