Buaina chhuakah PM mawhpuh lo turin ti

Tourism Minister thar, Alphons Kannanthanam (KJ Alphons) chuan ramchhunga tharum thawhna leh buaina chhuakah Prime Minister emaw, BJP emaw chu mawhpuh lo turin a ti.

Mipuite tharum thawhna leh, chi leh chi inkara buaina chhuak ṭhin chungchang zawhna a chhannaah, KJ Alphons chuan society tinah mimawl fal an awm ṭhin a, heng thil thleng vang hian hruaitu mimal te mawhphuh an ni ngawt tur a ni lo, a ti. Tharum thawhna leh pawikhawihna thlenga inhnamhnawihte chu thubuai siamsaka jail-a khung ngei tur an ni tiin, mi tluklehdingawn 1.3 vel chenna ramah chuan mi ṭhenkhat mawl tak tak an awm a ni, a ti. Hetiang mi hi ramdangah pawh an awm zel niin a sawi bawk.