School himna chungchangah high-level meeting nei

Women and Child Development Minister Maneka Gandhi leh Human Resources Development Minister Prakash Javadekar-te chuan nimin khan school himna chungchang ngaihtuah turin high-level meeting an ko.

Zirna ina venhimna lam kalpui ṭhat tawk loh avanga school compound chhunga pawikhawihna thleng a awm leh ṭhin avangin union minister-te hian school-a himna kalpui dan ngaihtuah turin high-level meeting hi an ko a ni. He meeting-ah hian National Commission of Protection of Child Rights (NCPCR), Central Board of Secondary Education (CBSE), National Council Of Educational Research And Training (NCERT), Kendriya Vidyalaya Sangathan aiawhte an te a ni. School-a zirlaite himna tura inkaihhruaina turte an duang dawn a ni.